“Müştəri həmişə haqlıdır” ifadəsini ilk dəfə 1909-cu ildə “Selfridge” mağazasının yaradıcısı Harry Gordon Selfrid işlədib. Onun əsas məqsədi müştərilər onlara daha yaxşı xidmət göstəriləcəyinə inandırmaq idi. Sonralar bu termin bütün dünyaya yayılaraq istifadə olunmağa başladı.
Hər hansı bir işin ən vacib hissəsi, şübhəsiz ki, müştərilərdir. Müştərilərin bizə qazandırdığı təcrübələr müxtəlif insanlar və fərqli vəziyyətlərlə necə davranmalı olduğumuzu öyrənməyə imkan yaradır.
Əslində, hər kəs həyatın müxtəlif sahələrində yaxşı xidmət tələb edən müştərilərdir. Buna necə nail olmağı da bilmək laızmdır. Burada əsas fikir qazanc qədər qurumun imicini artırmaq, müştəridə güvən hissini formalaşdırmaqdır.
Müştəri məmnuniyyətini artırmaq üçün təkliflərimiz aşağıdakılardır:
- Müştərilərin qayğısına qalmaq:
Müştərilərin xoşbəxtliyi biznesə töhfə verir və qazancda mühüm rol oynayır. Ən yaxşı təcrübə müştərilərin ehtiyaclarına diqqət yetirmək və xidmətləri təkmilləşdirmək üçün yeni yollar yaratmaqdır.
- Müştərilərin qurum haqqında danışmasını təmin etmək:
Əgər, müştəri həqiqətən xoşbəxtdirsə, onun ailəsi və yaxın dostları da buna səbəb olan qurum (xidmət, məhsul) haqqında mütləq məlumatlanır. Ona görə də müştərinin məmnunluğundan əmin olmaq lazımdır.
- Müştərilərlə mövcud təcrübəni qorumaq:
Əksər müştərilər sevdikləri xidmətin dəyişməməsini, eyni təcrübənin tətbiq edilməsini istəyir. Lakin, unutmaq olmaz ki, yenilikləri tez mənimsəyənlərə yeni məhsul və ideyaları asanlıqla təqdim etmək olar. Yəni, hər müştərini mənimsəyib ona uyğun davranmaq lazımdır.
